Húsfélög og
tryggingar
Algengt er að húsfélög sjái um kaup á einni sameiginlegri húseigendatryggingu fyrir íbúðir hússins. Einnig hafa húsfélög keypt lausafjártryggingu eða víðtæka eignatryggingu fyrir muni sem eru í eigu húsfélagsins.
Sameiginleg húseigendatrygging
- Öllum eigendum fasteigna ber að tryggja fasteignir sínar gegn eldsvoða með lögboðinni brunatryggingu. Við mælum með húseigendatryggingu til viðbótar við lögboðna brunatryggingu.
- Í fjölbýlishúsum er algengt að húsfélög sjái um að kaupa húseigendatryggingu fyrir allar íbúðir hússins. Kostir þess að kaupa sameiginlega tryggingu er annars vegar hagstæðara verð og hins vegar að eigendur lenda síður í ágreiningi ef til tjóns kemur og íbúar eru með tryggingar sínar hjá sitthvoru tryggingafélaginu. Að hafa sameiginlega tryggingu hjá einu tryggingafélagi er því hagstæðara og fækkar flækjunum. Ákvörðun um kaup á húseigendatryggingu er tekin á löglegum húsfundum og skuldbindur hún eigendur til þátttöku.
- Húseigendatrygging veitir víðtæka vernd gegn óvæntum og skyndilegum atburðum sem leiða til tjóns á fasteignum. Húseigendatrygging bætir meðal annars tjón vegna vatnsleka frá lögnum, skemmdir sem verða vegna innbrota eða innbrotstilrauna, ef rúður brotna og ef skemmdir verða vegna óveðurs. Þá tekur tryggingin einnig á því ef helluborð og hreinlætistæki brotna vegna óvæntra og skyndilegra óhappa.
- Húseigendatryggingin tekur ekki á tjónum sem verða á innbúi eða lausamunum sem eru í fasteigninni. Innbú og aðra lausamuni þarf að tryggja sérstaklega með innbústryggingu, innbúskaskótryggingu eða lausafjártryggingu ef um sérstaklega verðmæta hluti er að ræða.