Eflaust er fátt yndislegra en fuglasöngur og lækjarniður í guðsgrænni náttúrunni. Sumarið er mætt með allri sinni dýrð og eflaust ferðahugur í mörgum. Ferðalög með eftirvagna er einfaldur ferðamáti og veitir frelsi til þess að elta veðrið. Mikilvægt er tryggja að allt fari vel og að eftirvagninn sé í góðu standi. Alvarlegustu slysin verða þegar vagnarnir losna aftan úr bílnum á ferð, fjúka útaf eða rása svo mikið að þeir fari yfir á rangan vegarhelming. Tryggjum að ferðin verði góð og allt sé í toppstandi.

Mikilvægt er að huga að eftirfarandi:

  • Pössum að fara með vagninn í lögbundna skoðun.
  • Eftirvagninn má ekki vera of þungur fyrir bílinn (sjá hámarksþyngd í skráningarskírteini).
  • Vertu viss um að legur, dekk, ljósabúnaður og allur tengibúnaður sé í lagi.
  • Að ökuréttindi nái yfir samanlagða þyngd bíls og eftirvagns.
  • Farðu vel yfir búnað og tengingar við gas.
  • Gættu þess að skrúfað sé fyrir gas eftir notkun.
  • Hafðu eldvarnabúnað til staðar.
  • Notaðu öryggisvír þegar vagninn er dreginn.
  • Notaðu framlengda hliðarspegla ef vagninn byrgir sýn.
  • Skoðaðu veðurspá áður en lagt er af stað.
  • Tryggðu að svæðið fyrir aftan sé autt þegar þú þarft að bakka.
  • Aktu með sérstakri gát á tjaldsvæðum.
  • Farðu eftir umferðarlögum og miðaðu hraða ávallt við aðstæður.