Börnin eru það dýrmætasta sem við eigum. Undanfarin 25 ár höfum við hjá VÍS hjálpað við að gæta öryggis barna í umferðinni með útleigu á öruggum barnabílstólum. Þörfin var mikil þegar við hófum þessa vegferð enda sýndu kannanir á þeim tíma að yfir 30% barna voru laus í bílum og aðgengi að vönduðum og öruggum barnabílstólum lítið.  Í dag heyrir það til undantekninga að börn séu ekki í bílstólum og úrvalið af öruggum stólum hefur aldrei verið betra.  Við teljum að nú sé tímabært að beina kröftum okkar að öðrum forvarnar- og öryggisverkefnum þar sem þörfin er meiri.

Þess vegna mun VÍS frá deginum í dag hætta útleigu á barnabílstólum. Ef viðskiptavinir eru með barnabílstól á leigu geta þeir haldið áfram að leigja hann en ekki skipt honum út fyrir nýjan stól. Þegar stóllinn verður óþarfur er hægt að skila honum á næstu þjónustuskrifstofu okkar. Þeir sem eru á biðlista eftir barnabílstól munu fá afhentan stól á næstunni. Haft verður samband þegar hann er tilbúinn til afhendingar.

Fyrir þá sem þurfa nýjan barnabílstól veitir barnavöruverslunin Fífa viðskiptavinum okkar 20% afslátt af stólum. Við munum einnig á næstu vikum kynna fleiri afslætti af ýmsum vörum og þjónustu sem snúa að forvarnar- og öryggismálum.