Er eftirvagninn þinn í lagi?

Ferðalög með eftirvagna er þægilegur og einfaldur ferðamáti enda yfir 17.000 ferðavagnar til á landinu. Alvarlegustu slysin í tengslum við vagnana verða þegar þeir losna aftan úr bíl á ferð, fjúka útaf eða rása svo mikið að þeir fara yfir á rangan vegarhelming. Til að tryggja að allt fari vel á ferðalaginu er mikilvægt að huga að eftirfarandi:

• Fara með vagninn í lögbundna skoðun
• Hafa eftirvagninn ekki of þungan fyrir bílinn (hámarksþyngd má sjá í skráningarskírteini)
• Vera viss um að legur, dekk, ljósabúnaður og tengibúnaður sé í lagi
• Að ökuréttindi nái yfir samanlagða þyngd bíls og eftirvagns
• Fara yfir búnað og tengingar við gas
• Gæta þess að skrúfað sé fyrir gas eftir notkun
• Hafa eldvarnabúnað til staðar
• Nota öryggisvír þegar vagninn er dreginn
• Nota framlengda hliðarspegla ef vagninn byrgir sýn
• Skoða veðurspá áður en lagt er af stað
• Tryggja svæðið fyrir aftan ef þarf að bakka
• Aka með sérstakri gát á tjaldsvæðum
• Fara að umferðarlögum og miða hraða ávallt við aðstæður