Reiðhjól og vespur
Reiðhjól og létt bifhjól í flokki 1 falla undir F plús trygginguna og heimilistryggingu. Hér að neðan má sjá hvernig tryggingu er háttað úr hverjum lið tryggingarinnar fyrir sig.
- Reiðhjól eru hjól sem knúin eru áfram með stig- eða sveifbúnaði.
- Létt bifhjól í flokki 1 samkvæmt umferðarlögum eru vélknúin ökutæki á tveimur eða þremur hjólum sem ekki er hönnuð fyrir hraðari akstur en 25 km. á klst.. Létt bifhjól í flokki I eru skráningarskyld en undanþegin vátryggingarskyldu.
Slysatrygging í frítíma
Slysatygging gildir fyrir reiðhjól og létt bifhjól í flokki I þegar þessi tæki eru notuð í frítíma.
Hjólreiðakeppni
- Innifalið:
Almenningsþátttaka í keppnum eða æfingar í götuhjólreiðum. - Undanskilið:
Í keppni eða við æfingu til undirbúnings fyrir keppni í hverskonar íþróttum ef vátryggður hefur náð 16 ára og aldri. Með íþróttum er hér átt við einstaklings- eða liðsíþróttir sem æfðar eru reglulega undir leiðsögn þjálfara á vegum félaga eða samtaka sem hafa íþróttakeppni að tilgangi. Þessi takmörkun á þó ekki við um almenningsþátttöku í keppni eða æfingum í götuhjólreiðum.
Þjófnaður
- Reiðhjól og létt bifhjól í flokki I eru tryggð fyrir allt að 1% af innbúsverðmæti nema skilað sé inn ábyrgðarskírteini eða greiðslukvittun sem sannar hærra verðmæti.
- Hjólinu skal vera læst þegar skilið er við það og lykill geymdur á öruggum stað.
- Eigin áhætta í hverju tjóni er 25%.
Ábyrgðartrygging
- Ábyrgðartrygging gildir fyrir reiðhjól og létt bifhjól í flokki I.
- Bætt er líkams- eða munatjón þriðja manns vegna skaðabótaábyrgðar sem fellur á vátryggðan skv. íslenskum lögum.
Innbúskaskó
Tryggir fyrir tjónum af völdum skyndilegra og ófyrirsjáanlegra utanaðkomandi atvika sem eru ekki bótaskyld samkvæmt öðrum ákvæðum fjölskyldutryggingarinnar.
Ef verðmæti hjóls er hærra en hámarks fjárhæðir í innbúskaskó er hægt að tryggja hjól í víðtækri eignatryggingu.
Víðtæk eignatrygging
Tryggir fyrir tjónum af völdum skyndilegra og ófyrirsjáanlegra utanaðkomandi atvika. Tryggingin gildir hvar sem er í heiminum á meðan hjól er í umsjá vátryggðs.
Farangurstrygging vegna ferðalags erlendis
Ef að verðmæti hjóls er hærra en verðmæti einstaks hlutar í farangurstryggingu F plús er hægt að kaupa sér farangurstryggingu á hjólið.
