Valmynd Loka

Jafnréttis- og jafnlaunastefna VÍS

Tilgangur og markmið
Tilgangur og markmið jafnréttisstefnu VÍS er að stuðla að jafnrétti kynjanna í samræmi við lög nr. 10/2008 „ um jafna stöðu og jafnan rétt kvenna og karla“, þar með talið að greidd séu sambærileg laun fyrir sömu eða jafnverðmæt störf, þannig að enginn kynbundinn launamunur sé til staðar hjá félaginu.

Umfang
Stefnan nær til allra starfsmanna VÍS.

Jafnréttis- og jafnlaunastefna VÍS
VÍS leggur áherslu á jafnrétti kynjanna og að nýta til jafns styrkleika kvenna og karla þannig að hæfileikar og færni alls mannauðs félagsins njóti sín sem best. Stefna VÍS er að vera vinnustaður þar sem hver einstaklingur er metin að verðleikum eftir hæfni og frammistöðu. Einnig að starfsfólk hafi jöfn tækifæri til þess að axla ábyrgð og sinna verkefnum óháð kyni. VÍS skuldbindur sig til að vinna að jafnréttismálum, hafa frumkvæði í þeim og sýna þannig samfélagsábyrgð. VÍS fylgir lögum, reglum og samningum sem snerta jafnréttismál og gilda á hverjum tíma. Megináherslur í jafnréttismálum hjá félaginu eru:

  • VÍS greiðir konum og körlum jöfn laun og sömu kjör fyrir sömu eða jafnverðmæt störf
  • VÍS er vinnustaður þar sem konur og karlar eiga jafna möguleika
  • VÍS leggur áherslu á að konur og karlar njóti sömu tækifæra til starfsþjálfunar og fræðslu
  • VÍS er fjölskylduvænn vinnustaður þar sem starfsfólk getur samræmt vinnu og einkalíf
  • VÍS er vinnustaður þar sem kynbundin eða kynferðisleg áreitni eða einelti líðast ekki

Leiðir að markmiði
VÍS greiðir konum og körlum jöfn laun og sömu kjör fyrir sömu eða jafnverðmæt störf.

Við launaákvörðun er stuðst við starfsmatskerfi félagsins, skilgreind launaviðmið og persónubundið mat á hæfni og frammistöðu og þannig er séð til þess að starfsmönnum sé ekki mismunað á grundvelli kynferðis. Á þetta við um öll starfskjör og réttindi sem metin verða til fjár.

VÍS er vinnustaður þar sem konur og karlar eiga jafna möguleika
Starfsfólk hefur jöfn tækifæri til að þróast í starfi, óháð kyni. Leitast er við að hafa kynjahlutfall sem jafnast og að störf flokkist ekki sem sérstök karla eða kvennastörf. Jafnréttissjónarmið eru metin til jafns við önnur mikilvæg sjónarmið sem ráða við ákvarðanir um tilfærslur og framgang í starfi og sérstök áhersla er á að jafna hlut kynjanna í stjórnunar- og áhrifastöðum. Þegar skipað er í vinnuhópa eða nefndir á vegum fyrirtækisins ræður fagþekking mestu um val einstaklinga en stefnt er að jöfnum hlut kvenna og karla þar sem því verður við komið. Í starfsauglýsingum eru störf almennt ókyngreind og þess gætt að þær höfði til beggja kynja.

VÍS leggur áherslu á að konur og karlar njóti sömu tækifæra til starfsþjálfunar og fræðslu
Konur og karlar njóta sömu möguleika á starfsþjálfun, sí- og endurmenntun og til að sækja námskeið sem haldin eru til að auka hæfni í starfi eða til undirbúnings öðrum störfum.

VÍS er fjölskylduvænn vinnustaður þar sem starfsfólk getur samræmt vinnu og einkalíf
Starfsfólki er gert kleift að samræma starfsskyldur sínar og skyldur gagnvart fjölskyldu með gagnkvæmum sveigjanleika eftir því sem við verður komið og þörf er á. Sveigjanleiki getur falist í sveigjanlegum vinnutíma, hlutastarfi til skemmri eða lengri tíma, sveigjanleika um lengd og fyrirkomulag fæðingarorlofs eða annarri vinnuhagræðingu. Feður jafnt sem mæður eru hvött til að nýta sér rétt sinn til fæðingarorlofs. VÍS hvetur til þess að gert sé ráð fyrir þátttöku maka og barna í félagslífi starfsmanna þegar það á við.

VÍS er vinnustaður þar sem kynbundin- kynferðisleg áreitni eða einelti líðst ekki
Lögð er áhersla á góða líðan starfsmanna og góðan starfsanda hjá VÍS. Allir starfsmenn eiga rétt á því að komið sé fram við þá af virðingu og að þeir sæti hvorki kynbundinni- né, kynferðislegri áreitni, einelti eða ofbeldi af öðru tagi. Hjá VÍS er til skýr stefna í málefnum er snúa að einelti og kynferðislegri áreitni þar sem starfsfólki er gerð skýr grein fyrir boðleiðum og framvindu slíkra mála. Ef sýnt þykir að einelti, kynbundin og/eða kynferðisleg áreitni hafi átt sér stað er tekið á því með formlegum hætti og getur ferlið endað með brottvísun úr starfi.

Jafnréttisáætlun
VÍS hefur sett sér Jafnréttisáætlun sem er órjúfanlegur hluti Jafnréttisstefnu VÍS og er hana að finna í stefnuskjali Jafnréttisstefnunnar. Í jafnréttisáætlun eru sett fram mælanleg markmið í jafnréttismálum og settar eru fram tímasettar aðgerðir til að fylgja eftir settum markmiðum. Með virkri jafnréttisáætlun er séð til þess að jafnræðis sé gætt milli starfsmanna þess og að kynbundinni mismunun verði útrýmt, sé hún til staðar.

Allir stjórnendur VÍS skuldbinda sig til að framfylgja jafnréttisstefnunni. Framkvæmdastjóri mannauðssviðs VÍS ber ábyrgð á innleiðingu og framkvæmd stefnunnar.

Þessi stefna er endurskoðuð á þriggja ára fresti og oftar ef þörf krefur til þess að tryggja að hún samrýmist markmiðum með rekstri VÍS. Stefnan var samþykkt af framkvæmdastjórn VÍS 13.05.2015 og gildir í þrjú ár.

 

Fá til­boð Hafa samband
mail Hafa samband chat Netspjall
close

Tryggingar

Niðurstöður

Skjöl

Niðurstöður

Annað

Niðurstöður

Fréttir

Niðurstöður

Leit

Niðurstöður

Ææ en leiðinlegt!

Við fundum því miður ekki ""

Athugaðu hvort öll leitarorðin eru rétt skrifuð, annars geturðu prófað að víkka leitina með öðrum eða almennari leitarorðum.

Ef allt um þrýtur, endilega hafðu samband