Valmynd Loka

Meðferð upplýsinga í vátryggingasvikum

Vátryggingafélag Íslands leggur áherslu á að framfylgja lögum nr. 77/2000 um persónuvernd og meðferð persónuupplýsinga.

Markmið laganna er að stuðla að því farið sé með persónuupplýsingar í samræmi við grundvallarsjónarmið og reglur um persónuvernd og friðhelgi einkalífs auk þess að tryggja áreiðanleika og gæði slíkra upplýsinga.

Tilkynnandi
VÍS mælist til þess að þeir sem tilkynna félaginu um meint vátryggingasvik geri það undir nafni, nema sérstakar aðstæður tilkynnanda mæla gegn því.

Ef send er inn ábending undir nafni áskilur félagið sér rétt til þess að hafa samband við tilkynnanda ef þörf er á til að afla frekari upplýsinga um málið.

Tilkynnandi getur óskað eftir því að samskipti félagsins við hann fari eingöngu fram í gegnum tölvupóstfang það sem gefið er upp í tilkynningunni.

Félagið heitir tilkynnanda trúnaði og mun ekki upplýsa þann sem ábendingin lýtur að eða þriðja aðila um nafn tilkynnanda nema í eftirfarandi undantekningartilvikum:

Leiði ábending tilkynnanda til þess að hin meintu vátryggingasvik verði kærð til lögreglu eða fari félagið með þau fyrir dómstóla kann að reynast nauðsynlegt að gefa upp nafn og/eða aðrar upplýsingar tilkynnanda.

Ef tilkynning felur í sér vísvitandi rangar sakargiftir kann jafnframt að reynast nauðsynlegt að veita þeim er málið lýtur að upplýsingar um nafn og/eða aðrar upplýsingar tilkynnanda hyggist viðkomandi af því tilefni gæta réttar síns.
Félagið mun ekki láta tilkynnanda vita um afdrif málsins.

Tilkynntur aðili
VÍS heldur í heiðri þá meginreglu að sá sem sakaður er um meint vátryggingasvik er saklaus uns sekt hans er sönnuð. Tilkynning til félagsins um meint vátryggingasvik þýðir eingöngu að málið verði tekið til frekari skoðunar af hálfu VÍS.

Sjá nánari umfjöllun í verklagsreglum félagsins.

Til baka

Fá til­boð Hafa samband
mail Hafa samband chat Netspjall
close

Tryggingar

Niðurstöður

Skjöl

Niðurstöður

Annað

Niðurstöður

Fréttir

Niðurstöður

Leit

Niðurstöður

Ææ en leiðinlegt!

Við fundum því miður ekki ""

Athugaðu hvort öll leitarorðin eru rétt skrifuð, annars geturðu prófað að víkka leitina með öðrum eða almennari leitarorðum.

Ef allt um þrýtur, endilega hafðu samband