Húseigendatrygging sumarbústaða
Húseigendatrygging sumarbústaða veitir víðtæka vernd gegn óvæntum og skyndilegum atburðum sem leiða til tjóns á sumarbústöðum. Þú getur einnig bætt við sérstakri vernd fyrir sólpallinn, heita potta, skjólveggi, hlið, girðingar og frístandandi hús.
Húseigendatrygging sumarbústaða samanstendur af tryggingu fyrir fasteignina sjálfa og ábyrgðartryggingu húseigenda. Ábyrgðartryggingin bætir beint tjón þriðja aðila til dæmis þeirra sem eru gestkomandi í sumarbústaðnum vegna skaðabótaábyrgðar sem getur fallið á þig sem eiganda fasteignar eða fasteignarhluta.
Algeng tjón sem bætt eru úr húseigendatryggingu sumarbústaða eru vatnstjón frá lögnum, rúðubrot og óveðurstjón. Þessi tjón eru algengari en brunatjón og þess vegna er húseigendatrygging sumarbústaða góð viðbót við lögboðna brunatryggingu.
Þú getur bætt eftirfarandi verndum við húseigendatryggingu sumarbústaða:
- Sólpallur og fleira
Tryggingin tekur til sólpalls, skjólveggja, girðinga og hliða á sumarbústaðarlóð þinni. Tryggingin bætir til dæmis tjón vegna bruna, sótfalls, vatnsleka frá lögnum, óveðurs og innbrots eða tilraunar til innbrots í bústaðinn þinn. - Frístandandi hús
Tryggingin tekur til viðbygginga áföstum sumarbústaðnum eða önnur frístandandi hús á sumarbústaðarlóðinni. Tryggingin bætir til dæmis tjón vegna bruna, sótfalls, loftfara, vatnsleka frá lögnum, frostsprungna, óveðurs og innbrots eða tilraunar til innbrots í bústaðinn þinn. - Heitur pottur
Tryggingin tekur til heitra potta sem staðsettir eru á lóðinni og hefur verið komið fyrir á endanlegum stað. Tryggingin bætir til dæmis tjón á heitum pottum vegna bruna, óveðurs, loftfara, þjófnaðar eða skemmda sem valdið er í kjölfar þjófnaðar, sem og frostsprungna á lagnakerfi pottsins.
Tryggingin bætir
- Vatnstjón sem verður vegna leka úr leiðslukerfi.
- Skemmdir vegna asahláku.
- Frostskemmdir innanhúss.
- Skemmdir á fasteign vegna innbrots eða innbrotstilraunar.
- Brot á gleri.
- Brot á innréttingum, helluborði og hreinlætistækjum.
- Sótfall frá eldstæðum.
- Skemmdir á fasteign vegna snjóþunga.
- Óveðurstjón þegar vindhraði nær 28,5 metrum á sekúndu.
- Fall loftfara á fasteign.
- Tjón þriðja aðila vegna skaðabótaábyrgðar sem getur fallið á þig sem eiganda fasteignar.
Tryggingin bætir ekki
- Tjón sem gerst hefur smám saman og gerist vegna þess að viðhaldi hefur ekki verið sinnt.
- Vatnstjón vegna utanaðkomandi vatns.
- Glerskemmdir sem eiga sér stað í byggingaframkvæmdum.
- Tjón sem rekja má til byggingargalla.
- Tjón á gleri í heimilistækjum.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum sumarbústaðartryggingar.
Sé ósamræmi milli upptalningarinnar og skilmálanna þá gilda skilmálarnir.
Skilmálar, afslættir og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.