Hálf-kaskótrygging dráttarvéla til landbúnaðarstarfa

Vátryggingin bætir tjón vegna:

• Veltu og hraps. Vátryggingin nær einnig til landbúnaðartækja í eigu vátryggingartaka sem eru fasttengd við dráttarvélina, þegar hún veltur eða hrapar.
• Eldsvoða, eldingar eða sprengingar sem stafar af eldsvoða. Auk skemmda á dráttarvélinni nær vátryggingin til skemmda sem samtímis verða á varahlutum og þeim fylgihlutum dráttarvélarinnar sem teljast mega tilheyra eðlilegum útbúnaði hennar þegar tjónið varð, enda séu hlutir þessir þá í dráttarvélinni. Það telst ekki eldsvoði þegar hlutir sviðna eða bráðna ef eldur er ekki laus.
• Þjófnaðar eða ef tilraun er gerð til þjófnaðar á henni.
• Brot á framrúðu, afturrúðu og hliðarrúðum dráttarvélarinnar, þó ekki við úrtöku og ísetningu. Það telst ekki rúðubrot þótt flísist eða kvarnist úr rúðu eða hún rispast.

Vátryggingin bætir ekki:

• Skemmdir vegna veltu eða hraps séu þær afleiðing áreksturs eða áaksturs.
• Skemmdir er stafa af hvers konar náttúruhamförum, sbr. skilmála. Þó bætast skemmdir er verða ef dráttarvélin fýkur út af akbraut og veltur.
• Skemmdir vegna veltu eða hraps og aðeins varða hjól og hjólbarða.
• Skemmdir af eldsvoða af völdum áreksturs eða áaksturs.
• Skemmdir á hreyfli vegna sprenginga í strokkum.
• Þjófnað á einstökum hlutum dráttarvélarinnar.
• Skemmdir sem verða á dráttarvélinni vegna þátttöku í aksturskeppni eða æfingu fyrir slíka keppni.