Verktrygging

Verktrygging er sniðin fyrir verktaka og greiðir verkkaupa bætur verði vanefndir á verksamningi.

Tryggingin bætir tjón sem verkkaupi verður fyrir fari svo að tryggingatakinn (verktaki) efni ekki skyldur sínar samkvæmt samningi þeirra á milli. Verktakinn leggur fram ábyrgð til verkkaupa fyrir ákveðinni prósentutölu af samningsfjárhæð sem tryggingu gegn vanefndum á verksamningi eða göllum sem upp kunna að koma.

Nokkur skilyrði þurfa að uppfylla áður en verktrygging er sett í gildi. Útfyllt beiðni þarf að fylgja umsókn um tryggingu sem og afrit af ársreikningi. Bakábyrgðir þurfa einnig að liggja til grundvallar ásamt afriti af verksamningi og útboðsgögnum.