Lögboðin vátrygging vegna neytendalána

Vátryggingin bætir:

• Fjárkröfu, sem neytandi eignast á hendur vátryggingartaka vegna vanefnda hans á samningi um viðskipti, sem lög nr. 121/1994 um neytendalán taka til.
• Vátryggingin gildir þó aðeins í þeim tilvikum, að lánveitandi framselji grandlausum þriðja manni viðskiptabréf, sem neytandi hefur látið af hendi sem greiðslu til framseljanda, sbr 3. mgr. 17. gr. og 18. gr. laganna.
• Til greiðslu bóta kemur eingöngu, hafi fullnaðardómur eða réttarsátt gengið um vanefnd og að ljóst sé að lánveitandi geti ekki efnt skyldu sína samkvæmt dóminum eða sáttinni.

Vátryggingin bætir ekki:

• Tjón vegna vanefndaábyrgðar, sem er víðtækari en eftir íslenskum reglum.
• Sektir og önnur viðurlög sem falla á vátryggðan.