Aukakostnaðartrygging

Vátryggingin bætir:

• Óhjákvæmilegan aukakostnað, s.s. húsaleigu og flutningskostnað sem vátryggður verður fyrir á bótatímanum og beinlínis verður rakinn til þess að atvinnuhúsnæði vátryggðs verður ekki notað sökum bótaskylds tjóns á hinu vátryggða lausafé eða húsnæði sem lausaféð er geymt í vegna:

• Bruna.
• Vatns.
• Innbrotsþjófnaðar.

• Það er skilyrði bótaskyldu samkvæmt skilmála að fyrir hendi sé hjá félaginu vátrygging á lausafé sem bætir það tjón sem leiddi til aukakostnaðar.
• Bótaþættir sem vátryggingin tekur til koma fram í vátryggingarskírteini eða endurnýjunarkvittun.

Vátryggingin bætir ekki:

• Aukinn kostnað sem vátryggður verður fyrir eftir lok bótatímans.
• Aukinn kostnað vegna dráttar á því að rekstur hefjist aftur eftir tjón vegna óeðlilegra tafa á viðgerð, vegna stækkunar á húsnæði eða annarra breytinga á fyrra húsnæði.
• Aukinn kostnað sem hlýst af verkbanni, verkfalli, vélarbilun, vegna fyrirmæla hins opinbera eða sambærilegra atvika.
• Aukinn kostnað sem hlýst af almennum samdrætti í viðkomandi starfsgrein, eða tjón vegna breytinga á markaðsstöðu vátryggðs eða sökum fjármagnsskorts hans.