Ylræktartrygging

Eldsvoði, elding og sprenging

Vátryggingin bætir tjón á ræktun af völdum:

• Eldsvoða. Það telst ekki eldsvoði þegar hlutir sviðna eða bráðna ef eldur er ekki laus.
• Eldingar.
• Sprengingar.

Vátryggingin bætir ekki:

• Tjón sem verður vegna vinnu með sprengiefni við verklegar framkvæmdir.

Vatn, gufa og olía

Vátryggingin bætir tjón á ræktun af völdum:

• Vatns, gufu og olíu sem óvænt og skyndilega streymir úr leiðslum gróðurhússins og á upptök innan veggja hússins.
• Vatns sem flæðir úr tækjum vegna mistaka eða bilana.

Vátryggingin bætir ekki tjón á ræktun af völdum:

• Utanaðkomandi vatns, svo sem grunnvatns, úrkomu, flóða eða vatns frá þakrennum eða frárennslis-leiðslum þeirra.
• Vatns sem þrýstist upp úr skolp- eða frárennslis-leiðslum eða ef skolpleiðslur geta skyndilega ekki flutt allt það vatn er að berst, þó með þeirri undantekningu ef leiðsla stíflast eða springur innanhúss.

Innbrot

Vátrygging bætir tjón á ræktun af völdum:

• Innbrots.

Óveður

• Vátryggingin bætir tjón á ræktun af völdum óveðurs þegar vindhraði nær 28,5 metrum á sekúndu. Til óveðurstjóna á ræktun teljast eingöngu þau tjón sem verða þegar vindur hefur rofið þak, glugga eða aðra hluta gróðurhússins. Séu ekki fáanlegar viðurkenndar upplýsingar um vindhraða á tjónsstað er tjónið varð skal hafa til hliðsjónar við ákvörðun bótaskyldu hvort almennt eignatjón hafi orðið á svæðinu af völdum veðurs er vátryggingaratburðurinn átti sér stað.

Breyting á hitastigi

Vátryggingin bætir tjón á ræktun af völdum breytinga á hitastigi vegna:

• Bilunar í tæknibúnaði, rafmagnsbilana, bilana í hitakerfum og vatnsleiðslum.

Vátryggingin bætir ekki tjón:

• Sem stafar beint eða óbeint, að öllu leyti eða að hluta, af áhrifum tímaskráningar á starfsemi búnaðar, kerfa eða samblands þessa hvoru tveggja.

Snjóþungi

Vátryggingin bætir tjón á ræktun:

• Af völdum skyndilegs snjóþunga sem sligað hefur þak eða veggi gróðurhússins.

Vátryggingin bætir ekki tjón:

• Sem er afleiðing byggingargalla.