Hleð spilara!
Lögboðin starfsábyrgðartrygging byggingastjóra
Byggingastjóratryggingu verða allir byggingastjórar að hafa í gildi. Tryggingin er tekin á hvert verk.
Tryggingunni er ætlað að bæta viðskiptavini byggingastjóra það fjártjón sem hann verður fyrir vegna þess að ekki er byggt í samræmi við fyrirliggjandi teikningar eða lög og reglugerðir.
Ábyrgð byggingastjóra á þeim verkum sem hann er skráður á gildir í fimm ár eftir lokaúttekt. Byggingastjóratrygging er tekin á hvert verk sem byggingastjórinn er skráður á.
Beiðni er forsenda tilboðs eða tryggingar.
Vátryggingin bætir:
- Almennt fjártjón viðskiptamanns vátryggðs sem rakið verður til þess að ekki hefur verið byggt í samræmi við samþykkta uppdrætti, lög og reglugerðir, enda hafi vátryggður með undirritun sinni staðfest ábyrgð sína á hlutaðeigandi mannvirki fyrir byggingarfulltrúa og tjónið falli undir þá ábyrgð að lögum.
Vátryggingin bætir ekki:
- Tjón sem vátryggður tekur á sig ef ábyrgðin er víðtækari en almenn bótaábyrgð hans sem byggingarstjóra.
- Sektir og önnur viðurlög sem falla á vátryggðan.
- Líkamstjón og skemmdir á munum.
- Var efnið hjálplegt?
- Já
- Nei
- Gera athugasemd?