Umgengni á vinnustað

Fyrirmyndar umgengni á vinnustað kemur í veg fyrir áhættur í vinnuumhverfinu og stuðlar að því að starfsemin fari fram á réttan og öruggan hátt.

---

Fyrirmyndar umgengni á vinnustað getur komið í veg fyrir ákveðnar áhættur og hjálpað til við að starfsemin fari fram á réttan og öruggan hátt. Slæm umgengni á vinnustað getur aftur á móti stuðlað að tjónum á munum og slysum á fólki. Ef slæm umgengni og ruslsöfnun er sýnilegur hluti á vinnustaðnum þá gefur það til kynna að heilsa starfsmanna og öryggismál eru ekki ofarlega á forgangslista.

Góð umgengni á vinnustað er ekki einungis spurning um að allt sé þrifalegt heldur einnig:

• Gott skipulag á vinnusvæði.
• Reglulega tiltekt í lok vinnudags.
• Gönguleiðir óhindraðar. Gólf og vinnusvæði eru laus við bleytu og hluti sem að starfsfólk getur runnið til í eða hrasað um.
• Allur brennanlegur úrgangur eins og pappír eða eldfim efni eru fjarlægð.
• Eiturefni og eldfim efni eru geymd í lokuðum skápum eða á öruggum stað.

Árangursrík umgengni er hluti af daglegri starfsemi fyrirtækja en ekki eitthvað sem er gert annað slagið og þá oft í kjölfar næstum því óhapps eða slyss. Reglubundin tiltekt leiðir til fækkunar tjóna og slysa og þ.a.l. til lækkunar á rekstarkostnaði.

Hver er ávinningurinn af góðri umgengni á vinnustað?

• Kemur í veg óþarfa ruslsöfnun sem hætta getur myndast af.
• Minnkar líkur á brunahættu.
• Lágmarkar líkur á að starfsmenn verði útsettir fyrir hættulegum efnum.
• Leiðir til betra viðhalds og eftirlits með tækjum og tólum.
• Betri nýting á framleiðsluefnum og birgðum.
• Vinnusvæði fyrir fyrirtækjastarfsemi eru betur nýtt.
• Bætir heilsu starfsmanna og starfsanda á vinnustað.
• Hagkvæmnari rekstur.