Valmynd Loka

Tóbak, áfengi og önnur vímuefni

Ákjósanlegast væri að notkun á tóbaki, áfengi og öðrum vímuefnum væri ekki til staðar. Þjóðfélagslegur kostnaður vegna þessa er gríðarlegur, afleiðingar notkunar oft alvarlegar og þá ekki eingöngu fyrir þann sem neytir heldur einnig þá sem standa honum nærri.

Reykingar
Fjölmörg efni og efnasambönd í tóbaksreyk eru hættuleg heilsu manna. Þau auka m.a. líkur á krabbameini, hjarta-, æða- og lungnasjúkdómum. Hér á landi deyr einn á dag af völdum reykinga. Árlega greinast yfir 150 manns með krabbamein sem hægt er að rekja beint til reykinga. Það er um 10% allra krabbameinstilfella hér á ári.

Undanfarna áratugi hefur reykingafólki fækkað. Árið 2013 reyktu 11,4% Íslendinga 15 ára og eldri daglega. Stórt skref var stigið þegar reykingar voru bannaðar innandyra í opinberum byggingum. Með fræðslu, aðstoð við að hætta að reykja og verðhækkunum á tóbaki er reynt að sporna við reykingum. Best er að byrja aldrei að reykja en þeir sem hafa áhuga á að hætta geta leitað aðstoðar á reyklaus.is, hjá heimilislækni eða hringt í síma 800-6030

Áfengi og önnur vímuefni
Skriflegar heimildir um áfengi eru til árþúsundir aftur í tímann. Áfengi er markaðssett til hvers kyns skemmtunar og er sá vímugjafi sem er löglegur víðast hvar í heiminum. Hófleg neysla þess telst eðlilegur hluti í lífi almennings. Óhófleg neysla getur aftur á móti skaðað líkamann og t.d. valdið skorpulifur, vannæringu, brisbólgum, skemmdum á heila og taugum og áfengissýki.

Líkamlegar og andlegar afleiðingar neyslu annarra vímuefna geta verið mun alvarlegri. Einn skammtur af eiturlyfjum getur dregið neytandann til dauða og mun algengara er að fólk verði háð þeim efnum eftir eitt eða örfá skipti.

Samfara óhóflegri neyslu á áfengi og öðrum vímuefnum geta orðið breytingar á persónuleika viðkomandi, heimilishald undirlagt og neyslan stjórnað tilverunni. Fólk undir áhrifum framkvæmir oft hluti sem það myndi aldrei gera annars og slys eru mun algengari þegar fólk er undir áhrifum en þegar það er allsgáð.

Góðar upplýsingar um notkun áfengis, kannabisefna, örvandi efna, ofskynjunarefna, sprautufíkn, stera, sveppi og fleira er að finna á heimasíðu SÁÁ

Gátlistar

Fá til­boð Hafa samband
mail Hafa samband chat Netspjall
close

Tryggingar

Niðurstöður

Skjöl

Niðurstöður

Annað

Niðurstöður

Fréttir

Niðurstöður

Leit

Niðurstöður

Ææ en leiðinlegt!

Við fundum því miður ekki ""

Athugaðu hvort öll leitarorðin eru rétt skrifuð, annars geturðu prófað að víkka leitina með öðrum eða almennari leitarorðum.

Ef allt um þrýtur, endilega hafðu samband