Valmynd Loka

Snjóbretti

Hjálmur
Ekki er skylda að nota snjóíþróttahjálm á skíðasvæðum hér á landi eins og er víða erlendis. Höfuðmeiðsl eru í meira en 50% tilfella aðalskýring dauðsfalla og alvarlegra slysa sem leiða til varanlegrar fötlunar á skíðasvæðum. Hjálmurinn ver mikilvægasta líffæri hvers og eins og rannsóknir sýna að hann hefur ótvírætt forvarnargildi. Notkun rétt stillts snjóíþróttahjálms minnkar líkur á höfuðáverka um allt að 45%. Allir ættu því að nota hjálm, fullorðnir sem og börn. Jafnframt veitir hjálmurinn góða vörn gegn kulda.

Bakbrynja
Högg á hrygg og bak verða oft mikil þegar dottið er á brettum. Bakbrynja ver bakið fyrir höggum og getur komið í veg fyrir alvarlega bakáverka og ávallt eru fleiri og fleiri sem nota brynju sem fastan búnað þegar farið er á bretti. Brynjur er hægt að fá í flestum verslunum sem selja brettabúnað og verð þeirra ekki mikið miðað við kostnað þess að hljóta alvarlegan bakáverka.

Skór
Gott er að vera í skóm sem halda vel við ökkla þar sem slíkir skór minnka líkur á áverka á ökklann. Til að minnka líkur á áverka á hné er gott að temja sér að læsa þeim ekki heldur halda þeim ávallt mjúkum. Mikilvægt er jafnframt að gera sér grein fyrir annmörkum sínum og læra að detta rétt sem er út á hlið en ekki beint aftur eða fram og bera ekki fyrir sig hendi heldur að bera fyrir sig olnbogann.

Rétt hegðun og framkoma brettafólks

Til að koma í veg fyrir slys í skíðabrekkum er mikilvægt að temja sér rétta hegðun. Alþjóðaskíðasambandið hefur gefið út eftirfarandi reglur um hegðun og framkomu brettamanna.

  1. Tillitsemi. Skíða- eða snjóbrettamaður skal hegða sér á þann hátt að hann stofni ekki öðrum í hættu, valdi óþægindum eða skaða.
  2. Stjórn á hraða. Skíða- eða snjóbrettamaður skal ávallt hafa fullt vald á hraðanum. Hann skal ekki fara hraðar en geta hans leyfir og aðstæður hverju sinni, svo sem veður, færi og fjöldi í brekkunum.
  3. Að velja sér leið. Sá sem kemur niður brekku eða aftan að öðrum skíða-eða snjóbrettamönnum skal velja sér leið þannig að hann stofni ekki þeim sem fyrir framan eru í hættu.
  4. Framúrtaka. Fara má framúr eða framhjá öðrum skíða- eða snjóbrettamanni fyrir ofan hann eða neðan, hægra eða vinstra megin, að því tilskildu að sá sem farið er framúr eða framhjá hafi allt það svigrúm sem hann þarf.
  5. Að fara inn í eða vera á merktri braut. Sá sem fer inn í merkta braut eða leggur aftur af stað eftir að hafa stansað eða sveigt upp á við skal líta vel í kringum sig og ganga úr skugga um að hann stofni hvorki sjálfum sér né öðrum í hættu.
  6. Stöðvað í brekku. Skíða- eða snjóbrettamaður skal ekki stansa þar sem braut er þröng eða útsýni takmarkað nema brýna nauðsyn beri til. Ef hann fellur skal hann færa sig úr brautinni eins fljótt og hann getur.
  7. Gengið upp eða niður brekku
    Skíða- eða snjóbrettamenn sem fara fótgangandi upp eða niður brekku skulu
    ganga í jaðrinum á merktum brautum.
  8. Leiðbeiningar á skiltum. Skíða- eða snjóbrettamenn skulu fara í einu og öllu eftir leiðbeiningum á skiltum sem hafa verið sett upp í brekkunum.
  9. Aðstoð. Ef slys ber að höndum skulu allir veita þá aðstoð sem þeir geta.
  10. Að gefa sig fram eftir slys. Allir skíða- eða snjóbrettamenn sem verða vitni að eða lenda í slysi skulu gefa sig fram, án tillits til þess hvort þeir bera ábyrgð á slysinu eða ekki.

 

Gátlistar

Fá til­boð Hafa samband
mail Hafa samband chat Netspjall
close

Tryggingar

Niðurstöður

Skjöl

Niðurstöður

Annað

Niðurstöður

Fréttir

Niðurstöður

Leit

Niðurstöður

Ææ en leiðinlegt!

Við fundum því miður ekki ""

Athugaðu hvort öll leitarorðin eru rétt skrifuð, annars geturðu prófað að víkka leitina með öðrum eða almennari leitarorðum.

Ef allt um þrýtur, endilega hafðu samband