Sjóðir og gengi

Upplýsingar og tenglar á innlenda og erlenda sjóði.

---

Með því að fjárfesta í verðbréfasjóði er hægt að njóta áhættudreifingar og betri ávöxtunar án þess að þurfa að setja saman eigið verðbréfasafn. Boðið er upp á verðbréfasjóði sem fjárfesta í innlendum og erlendum verðbréfum. Með réttu samvali þessara sjóða er hægt að ná fram fjárfestingarstefnu sem hentar hverjum viðskiptavini með tilliti til tímalengdar fjárfestingarinnar, ávöxtunar og áhættu.

Hafa þarf í huga að fortíðarávöxtun verðbréfasjóða segir ekki til um ávöxtun þeirra í framtíðinni. Í söfnunarlíftryggingu ber sá sem tekur trygginguna sjálfur áhættuna af fjárfestingunni og því er mjög þýðingarmikið að varfærni sé höfð að leiðarljósi við val á samsetningu verðbréfasjóða.

Fjárfestingakostir innan Lífís eru fjölbreyttir og áhugaverðir og hægt að velja á milli mismunandi innlendra og erlendra möguleika. Innlendir sjóðir eru undir stjórn Arion og í erlendum sjóðum er fjárfest í samstarfi við Fidelity Investments, sem er þekkt, alþjóðlegt fyrirtæki á sviði fjárfestinga og sjóðastjórnunar.

Starfsfólk Arion banka býr yfir áralangri reynslu af ávöxtun fjármuna. 

Lífís býður val um eftirfarandi sjóði:

• Ríkisverðbréfasjóður-langur (Arion banki)
• Ríkisverðbréfasjóður - óverðtryggður (Arion banki)
• Lífís - Alþjóða hlutabréf - EUR (Arion banki)
• Lífís - Alþjóða hlutabréf - ISK (Arion banki)
• Lífís - Nýir markaðir - EUR (Arion banki)
• Lífís - Evrópu hlutabréf (Fidelity)
• Lífís - alþjóða skuldabréf (Fidelity)
• Lífís - hátækni hlutabréf (Fidelity)
• Lífís - ávöxtun erlendra og innlendra sjóða 

Ávöxtun sjóða*