Að tryggja hund

Hlutir sem er gott að vita þegar maður ákveður að tryggja hundinn sinn.

---

Vátryggingin tekur gildi um leið og VÍS móttekur og samþykkir vátryggingarbeiðni. Vátryggingin tekur ekki til sjúkdóms sem á upptök sín fyrstu 14 dagana sem hún er í gildi. Þetta á hins vegar ekki við um áverka af völdum slyss, vátryggingin bætir strax bótaskyld tjón vegna slíks atburðar. Sérstök ákvæði eiga við um suma sjúkdóma og er nánar fjallað um það í skilmálum vátryggingarinnar.

Þegar sótt er um tryggingu er nauðsynlegt að leggja fram dýralæknisvottorð sem er ekki eldra en 30 daga ef:

• Hundur er 1 ára gamall eða eldri
• Hann hefur verið veikur eða slasast*
• Óskað er líftryggingarfjárhæðar sem er hærri en 200.000 kr.

Þegar vátryggingarbeiðni er lögð fram þurfa m.a. að liggja fyrir upplýsingar um einstaklingsmerkingu hundsins, svo sem örmerki eða húðflúrsnúmer.

*Hafi hundur veikst eða slasast áður en vátryggingarbeiðni var útfyllt, þá er nauðsynlegt að tilgreina dagsetningu og eðli meiðsla. Í flestum tilvikum er óskað eftir vottorði frá dýralækni og ef svo er mun verða haft samband við vátryggingartaka.