Hleð spilara!
Hálfkaskó
Hálfkaskó hentar vel þeim bifreiðaeigendum sem aka mikið úti á þjóðvegum.
Tryggingin er valfrjáls og bætir tjón á ökutækjum þegar ökumaður eða eigandi á sjálfur sök á óhappinu eða verður fyrir utanaðkomandi, bótaskyldu tjóni sem veldur skemmdum á ökutækinu. Hálfkaskó er einkum hugsuð fyrir þá bifreiðaeigendur sem aka mikið úti á þjóðvegum, en lítið í þéttbýli þar sem umferð er mikil.
Bótasviðið er þrengra en bótasvið Al-kaskótryggingarinnar og tekur mið af þeim tjónaorsökum sem eru algengastar utan þéttbýlis.
Vátryggingin bætir tjón vegna:
- Veltu og hraps.
- Eldsvoða, eldingar eða sprengingar sem stafar af eldsvoða. Auk skemmda á ökutækinu nær vátryggingin til skemmda sem samtímis verða á varahlutum og þeim fylgihlutum ökutækisins sem teljast mega tilheyra eðlilegum útbúnaði þess þegar tjónið varð, enda séu hlutir þessir þá í ökutækinu. Það telst ekki eldsvoði þegar hlutir sviðna eða bráðna ef eldur er ekki laus.
- Þjófnaðar eða ef tilraun er gerð til þjófnaðar á því.
- Brot á framrúðu, afturrúðu og hliðarrúðum ökutækisins, þó ekki við úrtöku og ísetningu. Það telst ekki rúðubrot þótt flísist eða kvarnist úr rúðu eða hún rispast.
Vátryggingin bætir ekki:
- Skemmdir vegna veltu eða hraps séu þær afleiðing áreksturs eða áaksturs.
- Skemmdir er stafa af hvers konar náttúruhamförum, sbr.skilmála. Þó bætast skemmdir er verða ef ökutækið fýkur út af akbraut og veltur.
- Skemmdir vegna veltu eða hraps og aðeins varða hjól og hjólbarða.
- Skemmdir af eldsvoða af völdum áreksturs eða áaksturs.
- Skemmdir á hreyfli vegna sprenginga í strokkum.
- Þjófnað á einstökum hlutum ökutækisins.
- Skemmdir á hvers konar aukaútbúnaði ökutækisins, t.d. tengivögnum, farsímum, GPS-tækjum, tal-stöðvum, vörulyftum og krönum vörubifreiða, lausum toppgrindum og farangurskössum, nema um annað sé samið.
- Skemmdir sem verða á ökutækinu vegna þátttöku í aksturskeppni eða æfingu fyrir slíka keppni.
- Var efnið hjálplegt?
- Já
- Nei
- Gera athugasemd?
