Farmtryggingar B

Vátryggingin bætir tjón af völdum:

• Elds eða sprengingar.
• Þess að skip eða flutningsfar strandar, tekur niðri, sekkur eða hvolfir.
• Þess að flutningstæki á landi hvolfir eða fer út af spori.
• Þess að skip, flutningsfar eða flutningstæki rekst á eða snertir fastan eða fljótandi ytri hlut.
• Losunar á farmi í neyðarhöfn.
• Jarðskjálfta, eldgoss eða eldingar.
• Samtjónsfórnar.
• Þess að farmi er varpað fyrir borð eða honum skolar fyrir borð.
• Þess að sjór eða ósalt vatn úr stöðuvatni eða á kemst í skip, flutningsfar eða flutningstæki, gáma, flutningsvagna eða geymslustað.
• Algers tjóns á sjálfstæðum einingum sem falla fyrir borð eða detta niður við lestun eða losun skips, flutningsfars eða flutningstækis.

• Samtjónsframlög og björgunarkostnað sem jafnað er niður eða ákveðinn er samkvæmt flutnings-samningnum og/eða gildandi lögum og venjum og stofnað er til í þeim tilgangi að forðast hvers konar tjón.
• Tjón vátryggðs vegna endurkröfu sem kann að falla á hann sem eiganda farms vegna sérreglu um ábyrgð í beggja sök í árekstri (Both to Blame Collision Clauses) í flutningssamningi.

Vátryggingin bætir ekki tjón af völdum:

• Venjulegs leka, venjulegrar rýrnunar í þunga eða rúmmáli, eðlilegs slits eða tæringar á hinu vátryggða.
• Innri skemmdar eða eðlis hins vátryggða.
• Tafar, jafnvel þótt hún hafi orðið vegna bótaskylds tjóns. Þetta gildir þó ekki um kostnað sem fellur undir skilmálann.
• Gjaldþrots eða fjárhagslegra vanefnda eiganda skips, leigutaka eða rekstraraðila þess.
• Skemmdarverka.
• Farbanns, fartafar eða kyrrsetningar eða tilrauna til slíks og afleiðinga sem af því stafa.
• Tundurdufla, tundurskeyta, sprengja eða annarra yfirgefinna stríðsvopna.
• Hryðjuverka eða pólitískra aðgerða.