Rafeindatækjatrygging

Vátryggingin bætir skyndileg og óvænt tjón á hinu vátryggða vegna:

• Sóts, ofhitnunar, sviðnunar og bráðnunar án þess að eldur verði laus.
• Skammhlaups og bilana í veitukerfi rafveitu.
• Óveðurs, þ.e. þegar vindhraði nær 28,5 metrum á sekúndu. Tjón á hinu vátryggða af völdum úrkomu samfara óveðri bætist því aðeins að vindur hafi rofið þak, glugga eða aðra hluta hússins. Séu ekki fáanlegar viðurkenndar upplýsingar um vindhraða á tjónsstað, þegar tjónið varð, skal hafa til hliðsjónar við ákvörðun um bótaskyldu vátryggingarinnar hvort almennt eignatjón hafi orðið á svæðinu af völdum veðurs er tjónsatburðurinn átti sér stað.
• Skemmdarverka.
• Ógætilegrar meðferðar starfsmanna eða viðskiptavina.
• Flutnings innanhúss og milli staða innan sama fyrirtækis, þó ekki ef flutningsaðili ber ábyrgð á tjóninu eftir lögum eða samningi.
• Vatns eða vökva sem hellist niður eða lekur á hið vátryggða.

Vátryggingin bætir ekki:

• Tjón af völdum eldsvoða.
• Tjón sem ábyrgð seljanda eða framleiðanda nær til.
• Tjón vegna rýrnunar, tæringar, slits, ryðs eða annarra umhverfisáhrifa á lengri tíma.
• Tjón vegna galla eða rangrar samsetningar.
• Tjón sem verða vegna innri bilana.
• Tjón á hugbúnaði.
• Óbeint eða afleitt tjón.
• Tjón eða tap sem stafar beint eða óbeint, að öllu leyti eða að hluta, af áhrifum tímaskráningar á starfsemi búnaðar, kerfa eða samblands þessa hvoru tveggja.