Lögboðin ábyrgðartrygging farsala og flutningsaðila

Vátryggingin bætir:

• Tjón er leiðir af bótaábyrgð vátryggðs og hlýst af því að farþegi slasast eða lætur lífið eða farangur týnist eða skemmist meðan stendur á ferð þess skips sem tilgreint er í vátryggingarskírteini eða endurnýjunarkvittun og vátryggður sem farsali eða flutningsaðili ber ábyrgð á samkvæmt V. kafla siglingalaga nr. 34/1985 um flutning á farþegum og farangri og IX. kafla sömu laga um ábyrgð útgerðarmanns og takmörkun ábyrgðar. Með sömu skilyrðum er vátryggt gegn bótaskyldu sem stafar af seinkun í sambandi við flutning á farþega eða farangri. Vátryggingin gildir einnig um flutning milli skips og lands, enda sé þessi flutningur innifalinn í fargjaldinu eða flutningurinn fer fram með farartæki sem farsali leggur til.

Vátryggingin bætir ekki:

• Tjón sem vátryggður tekur á sig ef ábyrgðin er víðtækari en almenn bótaábyrgð hans sem farsala eða flutningsaðila.
• Sektir og önnur viðurlög sem falla á vátryggðan.
• Tjón sem verður áður en farþegi stígur á skipsfjöl og eftir þann tíma að hann er farinn frá borði.
• Tjón sem annar aðili en vátryggður, er annast hluta flutnings samkvæmt farmsamningi, ber ábyrgð á.
• Tjón á lifandi dýrum sem flutt eru sem farangur.
• Tjón eða tap á peningum, verðbréfum eða öðrum verðmætum, t.d. gulli, silfri, úrum, gimsteinum, skartgripum eða listmunum, nema farsali hafi tekið við þeim til öryggisgeymslu