Sjúkrakostnaður vegna veikinda eða slysa nemur oft háum fjárhæðum. Tíðar heimsóknir til dýralæknis, lyfjakostnaður og einfaldar aðgerðir geta oltið á tugum og jafnvel hundruðum þúsunda króna.

Hægt er að tryggja hundinn frá 8 vikna aldri og getur tryggingin varað til æviloka hans. Bótafjárhæðin lækkar um 20% frá því ári sem hundurinn verður 7 ára og síðan um 20% árlega næstu 3 árin þar á eftir en helst svo óbreytt.

Eigin áhætta í hverju tjóni er tvíþætt. Annarsvegar föst fjárhæð og síðan 10% af lækniskostnaði umfram föstu fjárhæðina. Föst eigin áhættan gildir fyrir hvert 100 daga tímabil og hefst við fyrstu heimsókn til dýralæknis.
    
    Dæmi:
        Reikningur frá dýralækni    100.000 kr
        Föst eigin áhætta*                 10.000 kr
       10% eigin áhætta                      9.000 kr
       * Föst eigin áhætta reiknast ekki aftur fyrr en eftir 100 daga

Hægt er að kaupa Sjúkrakostnaðartryggingu eina og sér eða til viðbótar við aðrar tryggingar í Hundavernd VÍS.

Við töku sjúkrakostnaðartryggingar þarf að skila inn eftirfarandi:
     - Beiðni, dýralæknisvottorð ef hundurinn er 1 árs eða eldri